هع هع هع صخررر هذا كان هدية نجاحي استانس على لعبة الحية والضفدع اللي فيه خخخخ شكله عادك مو مبين عليه ماله داعي, هييبه

 وهذي أشرطة الصخر(رامبو,نسيت شهالشريط ,السياره العجيبه,كونق فو,المحارب من كثر ماهو حلو كليناه,كراتيه,شريط الذبان,شريط تعليم المرور عشان جذي اعرف أسوق,طرزاااان,نسيت شنو,الشريط المليق حديقة الحيوان مادري ليش شاريته حتن علبته موجوده ما انجاس)وبس

امممم اذا ما خاب ظني هذي هدية يوم فزت بالموسيقى(سيقااا) كان يوم عيييد

امن اللي بالصوره الثانيه تقليد الصخر لا وعندنا وحده ثالثه صفره بس ما لقيتها وكلهم هدايا حق اختي مادري اخطبوط كله اييبولها بو طقه  بس شنو العاب الدنيا فيهم

 البلي ستيشن اذكر أول ما انزلت قلت حق ابوي ابيها و اقعد عاللعبه قعده واعصاب واسهر عليها لمن اخلص الشريط وتالي اقطه الا كراش اعيد وازيد فيه حبييييب

بلي ستيشن ون البيضه هذي مالت اختي لابجه بس تتوصخ بصرعه مالتي احلى

 \السووووده بلي ستيشن2 مالت اخوي لازم احد يقعد وياه بشرط ما يلعب حشاااا

أمن هاللعبه اللي اهيا عباره عن يده ,ريل خالتي يايبها من امريكا فيها جنه 6 العاب والله تكنولوجيا

 هذي صوره جماعية للذكرى

 منو عنده كثر هاليدات ..طبعا كل ما اتمصع يده نشتري ثانيه وأنا ما اقط شي واللي يقط من وراي ياااااااااويله مو كافي النيتندو ولاااه ثنتينهم بعد مو قهررر

فاللي عنده نيتندو ولا لعبه عتيجه قبل لا يقطها يعطيني اياها ..انتو شعرفكم

باجر هالشغلات اتصير اثريه والمليارديريين يبوسون ايدكم يبونهم بأي مبلغ تحددونه

انشالله الموضوع عجبكم والى اللقاء في حلقه ثانيه

نظرا لاقتراح بعض رواد الساحه في عمل مسابقه لأجمل قصه راح تبدي المسابقة من اليوم ولمدة اسبوعين وبعدها يتم التصويت على أجمل قصه .. على فكره راح أشيل اسم صاحب/ة القصه عشان لا تصير سوالف واسطات :) بعدها أعلن عن أسماء أصحاب القصص والفائز راح  ينحط نكه بقائمة الشرف ..

شروط المسابقة:

1-       1-     لازم يكون للقصه عنوان.

2-       2-  المشاركه تتم مره وحده للنفر.

3-      3-    القصه لابد انها تكون قصيره ولطيفه(تضحك,تخرع,مليقه,اكشن,واقعيه..الخ).

4-      4 -       لا تبوق لا تخاف .. المراد انك لا تكتب نفس قصه احد المشاركين وتغير فيها.

5-      5-     آخر يوم 29- 7 -2005 بعدها يبدي التصويت.

6-      6-      التصويت إجباري والا تعتبر مشاركتك لاغيه .

7-      7-       يتم التصويت حق غير قصتك (اللي يصوت حق قصته ينقص من رصيده صوت).

                             وبالتوفيييييييييج

صلوا على النبي ..لي يانا وياكم خيرن لفانا ولفاكم و شرن تعدانا وتعداكم زور ابن الزرزور اللي ما عمره حلف ولا جذب زور ذبح بقه وترس ساااااابعة جدور وخلا اللحوم والشحوم على الصواني تدور 000

كان في  حليووه  أميمتها واااايد , ففي يوم من الأيام كانت الأمايه تغسل هديماتها , فجأأأأه مطرت الدنيا ,اهني عادك الأم  وحست فيها الـ , فقعدت  شتسوي شتسوي عشان تخلي أمها  , جان تقول , و يابت ألوانها ورسمت على الدرايش من داخل البيت  و و و ,ولما خلصت انطرت أمها اطالع الدريشه, ولما طالعت الدريشه صارت الأم جذي , ولما اطلعت عشان تشر الهديمات  ان الدنيا ليلحينها تمطر , واعرفت ان  اهيا اللي سوت جذي ,اهنيييي  الأمايه وزفتها واحرمتها من الـ  و , كل هذا عشان قصت عليها ووصخت الدرايش ... // إييييييه خيرن تعمل شرن تلقى \\ ا

خلصت وملصت ويت الدياااااايه وعنفصت 000

يـــا حـــيــــــــــــــــ الله ــــــــــــــاكـــم

طبعا في مثل هذا اليوم الرائع (إي طل..لاهوب وشمس تكفخ وحشرااات .. الخ) حبيت اني اقص الشريط اللي كان من المفروض اني اقصه من زمااان بس مشاغل الدنيا والعيال ما تخلي احد بحاله فإعذروني(اللي قول ناطريني وطق اعصي لي الباب) انزييييين شبغيت اقول ..عوذ بالله من الشيطان ..اي انشالله راح تشوف في هالصفحه الصغيرونه ما يدخل البهجه في صدوركم ويرسم الابتسامه على ضروسكم ..فلا تبخلون علينا بأرائكم وتعليقاتكم واقتراحاتكم وشكاويكم وكل شي .. زين ابوي يلا امنتكم الله والله ولي التوفيييييييق

أم ملاس